LVS Works
  • HOME
  • ABOUT
  • SHEET MUSIC
    • OPM
    • POP
    • E-BOOKS
    • FREE SHEET MUSIC
  • BLOGS
  • VIDEO
  • AUDIO
  • GUESTBOOK

Ang Pagbabalik

7/16/2010

1 Comment

 
Picturemahirap ang baliktad
Lahat ng bagay sa mundo ay talaga namang laging paabante o pasulong. Maging ang iyong buhay o ang iyong edad ay laging palayo at hindi ito pabalik. Marami nang nagtangkang gumawa ng time machine pero nabigo at hanggang sa alaala mo na lang ito masisilayan.

Nagbalik ka nga ngunit huli na ang lahat. Tapos na ang palabas at kailangang simulan mo ulit ito doon pinaka-unang bahagi. Pero ang ating unang reaksyon: “Naku! Mahirap gawin yun! Mahaba na ang tinahak kong landas…”

Sa madaling salita, sa simpleng bagay na ganun ay talagang ayaw na nating bumalik sa simula o sa sinasabi nilang “nakaraan”. Mahirap daw kasi o talagang hindi na pupuwede?

Nakakalap ako ng mga bagay-bagay, sitwasyon at kuwento na talagang nagpapatunay na mahirap talaga minsan ang bumalik sa kung saan man. Kabilang din ang mga naging epekto o resulta nito -- sa pangkasalukuyan at sa hinaharap.


1. Madali ang magpatakbo ng kotse o oto nang paabante pero mahirap ang umatras. Kailangan mong baliktarin ang tingin sa rearview mirror. Ang bicycle or single motorcycle ay sadyang walang gear para umatras dahil sa tingin ko ay mahirap gawin yun. Parang katulad ng iyong katawan, kapag inabuso mo sa simula, mahihirapan ka nang ibalik ang dati nitong anyo sa ngayon.

2. Minsan, habang ako ay nagdi-discuss ng isang lesson sa guitar, pinatugtog ko ang estudyante ko ng isang scale (C major scale). Sabi ko, “play it ascending…” Ayos at nakuha nya naman kaagad. Pero nang sinabi ko, “play it descending…” Yun at nahirapan siya! Hindi lang naman ang “papunta” ang iisipin mo, dapat pati ang “pabalik” dahil minsan iba na ang daan pauwi at iba na rin ang iyong mga makakasalubong.

3. Nagsagawa ng isang “carbon dating” ang isang scientist sa isang footprint na naiwan at tumigas sa isang volcanic mud. Ito ay tinatayang 2,000 years ago! Hmm, kayang mapatunayan ng nakaraan at nangyayaring sitwasyon ngayon sa mundo. History din ang tumulong kay President para siya ay maluklok sa kinalalagyan nya ngayon. Ako rin naman ay mayrun ding history sa buhay pero nakatulong ito para ako ay maging ayos ngayon. Sa iyong pagbabalik, dapat ay mayrun ding pagbabago.

4. Pero malinaw sa iyo noong una pa lang na ang SRS (Sex Reassignment Surgery) ay irreversible kaya bakit ka umiiyak dyan? Sa una ay nakikita mo sa sarili na masaya ka sa kalalabasan nito pero dahil sa dami ng komplikasyon matapos ang operasyon, ay nagsisisi ka ngayon. Parang tiwala yan sa isang tao, kapag nasira mo na ito, hindi mo na maibabalik basta-basta. Dahil nakatatak na sa isip ang bagay na iyong ginawa. Malabo lagi ang tubig sa baso ng mga humihingi ng second chance.

5. Ang bata mo pa sa picture na ito ahh, parang hindi ikaw! Hehehe. Nakakatuwa minsang alalahanin ang nakaraan lalo na kung ito ay maganda. Pero kung hindi naging maganda ay gusto nating kalimutan na lang. Hindi mo na kasi maiisip ang mga magandang nagawa sa iyo kapag nagawan ka na ng isang pagkakamali. May sukatan pa rin talaga ang pagpapatawad. Simpleng gasgas ay kayang tiisin dahil gagaling din naman kaagad. Ngunit ang malalim na sugat na halos tagos hanggang buto ay matagal maghihilom at kung maghilom man ay may maiiwang malaking bakas na laging makikita at laging maaalala ang nakaraan. Buwisit! Ayaw ko nang bumalik doon!

6. Sa music scene ngayon, kung susuriin mo ay halos binabalik lang nila ang dating tunog. Revival ang tawag dun. Minsan nga ay halos kopyahin na ang bawat tono. Ang iba naman ay kukuha lang ng isang idea sa lumang kanta at gagawan na ng bagong tono ang kasunod na part, pero sasabihin nilang original daw nila yun. Walang coincidence sa music, marami lang talagang manggagaya! Ito ang ilan sa mga kanta : ang bass riff ng Under Pressure(Queen) at Ice Ice Baby(Vanilla Ice); ang middle riff ng It’s A Shame About Ray(Lemonheads) at ang intro riff ng Alapaap(Eraserheads); ang chord progression ng Wonderwall(Oasis) at Boulevard of Broken Dreams(Green Day); ang verse ng Marupok Ka Man(Claire dela Fuente) at ang Hanggang(Wency Cornejo). Wala na bang maisip na iba ang mga ito?

7. May pagka-Satanic daw ang back masking. May lumalabas daw na words or phrases of hate, swear words at minsan ay may mga good messages din naman. Sabi din nila na pag may nakalimutan kang isang bagay pagkaalis mo ng bahay, wag mo na raw itong balikan. May masama raw na mangyayari sa iyo. At kung ayaw mo maligaw, baliktarin mo raw ang suot mong damit. Bumalik ka nga dito! Hindi pa tayo tapos mag-usap, Hudas ka!

8. Kung ang dahilan lang kung bakit ka nagbalik ay dahil gusto mo lang na makaganti o makabawi, naku! pakiusap naman -- ‘wag na lang. Madali mang ibalik ang nakaraan para sa iyo pero hindi ko pa rin malilimutan ang nagawa mo sa akin. Kapag naaala ko kasi yun, naaalala ko ang pagiging makasarili ko at ang pagiging salbahe ko. Kaya pakiusap naman ulit -- ‘wag na lang!

9. Ang iyong ina at ang iyong ama ang dahilan kung bakit naririto ka sa mundo. Sana naman ay tumanaw ka ng utang na loob sa kanila. Kahit na anong mangyari ay hindi mo sila kailanman dapat isasawalang-bahala. Kahit sa mga dating kaibigan at mga teachers mo na naging instrumento ng iyong katayuan ngayon, hindi mo dapat sila kinakalimutan. Sabi nga nila, “Ang hindi marunong tumingin sa pinanggalingan ay hindi makakarating sa paroroonan.” Pero ang utang daw ay hindi nakakalimutan, ito raw ay kinakalimutan! Hehehe.

Madali at mahirap ang ating pagbabalik sa mga bagay-bagay. May nakaabang na parusa o regalo sa iyong mga nagawang mabuti at masama sa nakaraan. May balik talaga lagi.

May pasulong man o paatras, papunta at pabalik, umiikot pa rin ang proseso sa mundo. Sa pagtanda mo, babalik ka pa rin sa pagkabata (nagmumurang kamyas) at magbabalik ka rin ng kusa -- sa lupa.

1 Comment

    Author

    Lex writes because his head is always full.

    Archives

    January 2017
    March 2016
    January 2016
    November 2015
    September 2015
    May 2015
    March 2015
    August 2014
    June 2014
    April 2014
    February 2014
    July 2013
    May 2013
    April 2013
    November 2012
    September 2012
    May 2012
    April 2012
    December 2011
    October 2011
    September 2011
    August 2011
    June 2011
    May 2011
    April 2011
    March 2011
    February 2011
    December 2010
    November 2010
    August 2010
    July 2010
    June 2010
    May 2010
    April 2010
    March 2010

    Titles

    All
    Ang Buhok Ayon Kay Leema
    Ang Langaw Sa Ibabaw Ng Kalabaw
    Ang Pagbabalik
    Ang Pagitan
    Ang Pila
    Ang Pinakamalapit
    Ang Sasabihin Ng Iba
    Anong Klaseng Gulay Ka?
    Bulkan Ni Plado
    Dig Deeper
    Disiplina Lang
    Dream Coming True
    Dyaryo Na Naman
    Eleksyon 2010
    Eric Clapton
    Gaano Katagal
    Happy Naman Lagi
    Hindi Naman Talaga Iyon Ang Nasa Isip Ko
    Iguhit Ang Araw Para Hindi Umulan
    I'm Back To Weebly
    Kahulugang Hindi Maintindihan
    Kailan
    Kailangang Mangailangan
    Kalayaan
    Kasi Nga Hindi Malinaw Malabo
    Katumbas Ng Balbas
    Keep On Trying
    Kuwento Ko Sa Bato
    Lalaban Ka Ba Sa Laban
    Mami
    May Aalis May Darating
    Mga Kuwento
    Mga Kuwento Sa Likod
    Music Notes Or Bank Notes
    My First Autograph
    My First Love Letter To Juvy
    Nabasa Ko Lang
    Nandito Ako Naghihintay Sa Iyo
    Opm For Solo Guitar 1st Year Anniversary
    Opm For Solo Guitar 2nd Year Anniversary
    Oras Ng Buhay
    Paghihintay
    Pambansang Papansin
    Payong Kaibigan
    Productivity
    Read And Write
    Salamat 2010
    Sa Totoong Buhay
    Selective Hearing
    Sorry To Be Honest
    Sumasabit Ang Naiipit
    Summer Of 88: Salamat Sa Sound
    Tamang Mali
    Tumingin Sa Araw Wag Sa Buwan
    UFO (Unidentified Fan Of...)
    Uri Ng Facebookers
    User-friendly
    YOUTUBE: Unknown Errors

Powered by Create your own unique website with customizable templates.